Nga një muaj paraburgim për të pandehurit F.H, B.S dhe S.S - Bota Sot
Nga një muaj paraburgim për të pandehurit F.H, B.S dhe S.S

Kronikë e zezë

Nga një muaj paraburgim për të pandehurit F.H, B.S dhe S.S

Më: 25 mars 2019 Në ora: 13:38
Foto ilustrim

Gjykata Themelore në Prishtinë ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit me nga një muaj kundër të pandehurit F.H pasi ka kryer veprën penale, importimi, eksportimi, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo mjeteve plasëse dhe kundër të pandehurve B.S dhe S.S pasi kanë kryer veprat penale tregtia e ndaluar dhe prodhimi dhe shpërndarja e produkteve të dëmshme mjekësore.

I pandehuri F.H në kundërshtim të ligjit të zbatueshëm në lidhje me armët apo materialet plasëse dyshohet se ka furnizuar, transportuar, ndërmjetësuar ose shitur armë dhe revole të tipit “Glock” dhe të tipit “Sik – suver” si  dhe një sasi të municionit prej 750 copë, ndërsa të pandehurit B.S dhe S.S pas marrëveshjes paraprake, në intervalin  kohor që nga muaji dhjetor të vitit 2018, në qytetin e Prishtinës kishin vënë në qarkullim barërat ose produktet mjekësore pa u bërë kontrolli i nevojshëm nga personi apo enti i autorizuar, gjithashtu të njëjtit pa autorizim kishin shitur, blerë dhe kishin bërë shkëmbimin e barërave dhe produkteve mjekësore.

Gjykata ka konstatuar se lidhur me kërkesën e Prokurorisë Themelore në Prishtinë është caktuar  masa së paraburgimit kundër të pandehurve F.H, B.S dhe S.S pasi që i njëjtit dyshohen për vepër të rëndë penale, andaj po të gjendet në liri ekziston rreziku i ikjes me qëllim të shmangies nga përgjegjësia penale dhe në këtë mënyrë do të pengonte rrjedhën e procedurës penale.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...