Ishin njohur në Facebook, kishin krijuar afrimitet aq sa arriti që ti zhvasë 8 mijë euro.
Një 35-vjeçar nga Librazhdi dhe me banim në Vlorë u arrestua këtë të mërkurë, pas denoncimit të bërë nga e dëmtuara.
Bëhet fjalë për Kimet Çollakun, i cili ishte i martuar dhe baba i dy fëmijëve dhe me vajzën nga Fieri, kishte krijuar një lidhje jashtëmartesore.
Madje ai i kishte premtuar të resë se lidhja mes tyre ishte serioze, si dhe do të martoheshin.
Por ndërkohë, 35-vjeçari ka përfituar për një vit të tërë nga vajza, duke arritur që ti merrte në total plotë 8 mijë euro.
Kështu duke parë se mes tyre gjërat nuk po ecnin siç duheshin dhe ca më tepër paratë nuk po ktheheshin, vajza, identiteti i së cilës nuk bëhet i ditur, iu drejtua policisë së Fierit, për të bërë denoncim. Kjo pasi kohëve të fundit ai nuk i përgjigjej as në telefon dhe kishte refuzuar ti kthente paratë.
Policia tha zyrtarisht se, “Ndalimi i K.Ç., 35 vjeç me banim në Vlorë, u bë pasi Gjykata e Shkallës së Parë Fier ka caktuar masën e sigurisë ‘Arrest në burg’, për veprën penale ‘Mashtrimi’. Ai akuzohet se për një periudhë njëvjeçare, i ka marrë një shtetaseje me anë të mashtrimit shumën prej rreth 8 mijë eurosh”.
