Vidhnin rroba në dyqane dhe qendra tregtare, arrestohen dy persona - Bota Sot
Vidhnin rroba në dyqane dhe qendra tregtare, arrestohen dy persona

Kronikë e zezë

Vidhnin rroba në dyqane dhe qendra tregtare, arrestohen dy persona

Më: 21 korrik 2019 Në ora: 18:28
Ilustrim

Dy persona janë arrestuar pasi që të njëjtit dyshohet se kanë vjedhur rroba nëpër dyqane e qendra tregtare.

   

Dy shtetas janë arrestuar në Tiranë pasi ato kryenin vjedhje në disa dyqane dhe qendra tregtare.

Në pranga ranë shtetasit me iniciale F.,T.,34 vjeç dhe F.,GJ., 41vjeçe.

Policia sekuestroi në cilësinë e provës materiale rrobat e vjedhura.

Ja njoftimi i plotë i policisë:

Tiranë

Vidhnin rroba në dyqane dhe qendra tregtare në Tiranë, vihen në pranga nga shërbimet e Komisariat të Policisë Nr 2, autorët e vjedhjeve.

Zbardhen dhe disa vjedhje të tjera, ku dyshohet se janë kryer nga këta shtetas

Sekuestrohen në cilësinë e provës materiale rrobat e vjedhura.

Specialistët për Hetimin e Krimit në Komisariatin e Policisë Nr.2, pas njoftimit të marrë se dy persona kishin vjedhur disa rroba në një qendër tregtare në Tiranë, kanë organizuar punën, ku pas analizimit të pamjeve filmike, dhe kontrolleve të shpejta të ushtruara në ambientet e qendrës tregtare kanë bërë të mundur kapjen dhe arrestin në flagrancë të shtetasve:

– F.,T.,34 vjeç, banues në Shkodër, i dënuar më parë për veprën penale “Vjedhja”.

– F.,GJ., 41 vjeçe banuese në Kamëz.

Në momentin e arrestimit këtyre shtetasve , policia ju gjeti dhe sekuestroi edhe rrobat e vjedhura në njërin nga dyqanet e qendrës tregtare.

Në vijim të veprimeve hetimore të kryera nga Specialistët për Hetimin e Krimit u bë e mundur dokumentimi i një sërë vjedhjeve të kryera nga këta persona në dyqane, qendra tregtare dhe tregje të shumicës, të cilët pasi i vidhnin rrobat, i shisnin në dyqanin e shtetasit F.T në Shkodër.

Materialet i kaluan Prokurorisë së Rrethit Gjyqësor Tiranë, për veprime të mëtejshme për veprën penale “Vjedhja” e kryer në bashkëpunim në më shumë se një herë, parashikuar nga neni 134/1 i Kodit Penal. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...