Durrës: Të shtëna me armë zjarri pranë hotelit, 3 të shoqëruar në komisariat, në kërkim autori - Bota Sot
Durrës: Të shtëna me armë zjarri pranë hotelit, 3 të shoqëruar në komisariat, në kërkim autori

Kronikë e zezë

Durrës: Të shtëna me armë zjarri pranë hotelit, 3 të shoqëruar në komisariat, në kërkim autori

Më: 2 korrik 2020 Në ora: 17:50
Pamje nga vendi i ngjarjes

Të shtëna me armë zjarri janë regjistruar pasditen e sotme (2 korrik) në lagjen numër 13 të Durrësit.

Mësohet se pas një konflikti të çastit, një person ka qëlluar në ajër.

''Më datë 02.07.2020, rreth orës 16:30, në lagjen nr.13, Durrës,  pas një konflikti të çastit,  shtetasi A.S dyshohet se ka  qëlluar  në ajër me  armë zjarri'', informon policia.

Sipas burimeve nga vendngjarja, 4 persona janë përfshirë në konflikt në afërsi të një hoteli tek 'Ura e Dajlanit''. 

Tre persona janë shoqëruar nga policia dhe është shpallur në kërkim Alvaro S. i cili ka qëlluar në ajër.

Në vendin e ngjarjes janë gjetur 5 gëzhoja dhe shërbimet e Policisë janë vënë në ndjekje të autorit.

Ndërkohë janë shoqëruar në Polici  për sqarimin e rrethanave të ngjarjes, disa persona që dyshohet se janë përfshirë në konflikt.

Shfaq komentet
comments powered by Disqus
Sot mund të lexoni Shfletoni kopertinat