Vrasja monstruoze e kryer ne Fier në 2017 ku u masakrua me çekiç kokës Kreshnik Beqiraj është gjykuar ditën e sotme, Albert Zekaj I arrestuar për këtë ngjarje është dënuar nga Gjykata me ‘Burgim të Përjetshëm’.
Kreshnik Beqiraj jetonte me autorin e krimit, ndërsa prej 8 muajsh ai ishte zhdukur në mënyrë të mistershme.
Trupi i pajetë i tij u zbulua më pas në një kanal, ndërsa u zbardh edhe ngjarja ku autor i krimit rezultoi se ishte shoku i tij i dhomës.
Trupi i tij u gjet ne Daullas i dekompozuar. Përpara grupit hetimor, Zekaj rrëfeu asokohe se shkak për vrasjen ishte bërë konflikti për qiranë e banesës, e cila sipas tij nuk ishte paguar nga viktima prej disa muajsh.
Përpara hetuesve Zekaj pranoi krimin dhe u shpreh, ‘“E qëllova me çekiç në kokë disa herë. Kisha konsumuar dy dopio pije alkoolike. Fsheha trupin që të ngrinte gjaku e mos të kishte shenja. Pas tre ditësh e copëtova dhe e mbulova me batanije. E mbajta tre ditë në shtëpi”.