Një 52-vjeçar nga fshati Kuç i Himarës është arrestuar pasi u kap me drogë në shtëpi, si edhe kishte mbjellë kanabis në tokën e vet.
Burri me inicialet H. K., u kap me një sasi prej 48 kilogramësh kanabis gjatë kontrolleve në banesë.
Gjithashtu, gjatë kontrollit të ushtruar përreth banesës së tij, u evidentuan dhe asgjësuan disa bimë narkotike të cilat dyshohet se i ka kultivuar ky person.
Materialet iu referuan për veprime të mëtejshme, Prokurorisë së Rrethit Gjyqësor Vlorë, për veprat penale “Prodhimi dhe shitja e narkotikëve” dhe “Kultivimi i bimëve narkotike”.
