Dy persona kanë mbetur të lënduar si pasojë e një aksidenti që ka ndodhur sonte në magjistralen Prishtinë-Podujevë.
Rastin e ka konfirmuar zëdhënësi i Policisë së Kosovë për Rajonin e Prishtinës, Agron Borovci.
“Sot rreth orës 18:00 në rrugën magjistrale Prishtinë-Podujevë, saktësisht në fshatin Gllamnik ka ndodhur një aksident rrugor ku janë përfshirë tri automjete. Bazuar në të dhënat e deritanishme si pasojë e aksidentit janë lënduar dy persona të cilët kanë kërkuar tretman mjekësor”, ka thënë Borovci.
Ai shtoi se me rastin po merren hetuesit e njësitit të trafikut rajonal.
