Plagoset një person në Kaçanik, i dyshuari ik nga vendi i ngjarjes

Kronikë e zezë

Plagoset një person në Kaçanik, i dyshuari ik nga vendi i ngjarjes

Më: 6 mars 2021 Në ora: 17:43
Foto ilustrim

Një person është plagosur në fshatin Doganaj të Kaçanikut pas një përleshje me një person tjetër.

Këtë e ka konfirmuar zëdhënësi i Policisë për rajonin e Ferizajt, Agim Gashi.

“Rreth orës 16:15 në fshatin Doganaj në Kaçanik ka ndodhur një përleshje apo rrahje në mes dy personave ku njëri nga ta ka përdorur armën e zjarrit. Me të marrë informatën policia dhe ambulanca kanë dalë në vendin e ngjarjes”.

Ai ka thënë se personi i lënduar është dërguar në Qendrën Kryesore të Mjekësisë Familjare të Kaçanikut dhe gjendja e tij shëndetësore është stabile dhe jashtë rrezikut për jetë.

Gashi ka deklaruar se personi i dyshuar është larguar nga vendi i ngjarjes.

“Policia është duke i ndërmarrë veprimet e duhura për identifikimin dhe arrestimin e personit të dyshuar i cili është larguar nga vendi i ngjarjes”.

Shfaq komentet
comments powered by Disqus
Sot mund të lexoni Shfletoni kopertinat