Paraburgim të dyshuarëve për kontrabandim me sirianë

Kronikë e zezë

Paraburgim të dyshuarëve për kontrabandim me sirianë

Më: 22 shtator 2021 Në ora: 16:22
Foto ilustrim

Gjykata Themelore në Prizren, Departamenti i Krimeve të Rënda, ka caktuar sot masën nga një muaj paraburgim ndaj të pandehurve F.R., dhe SH.B.., për shkak të dyshimeve se kanë kryer veprën penale kontrabandimi me migrantë sirianë.

Dy të pandehurit janë kapur më datë 20 shtator, në orët e mesditës në autostradën “Ibrahim Rugova” - aksin rrugor Vërmicë – Prizren, teksa po bartnin në dy vetura 9 shtetas sirianë.

Këta të fundit u janë nënshtruar procedurave të rregullta nga autoritetet kompetente të emigracionit.

Kundër këtij vendimi, pala e pakënaqur ka të drejtë ankese në Gjykatën e Apelit. Ankesa kundër këtij aktvendimi nuk e shtynë ekzekutimin e tij.

commentFirst article
Sot mund të lexoni Shfletoni kopertinat