Policia e Kosovës ka arrestuar një person për posedim të substancave narkotike.
Ngjarja ka ndodhur në rrugën “Fehmi Agani” në Prishtinë, të enjten rreth orës 14:10.
“Është arrestuar i dyshuari mashkull kosovar pasi i njëjti është takuar duke konsumuar substanca të dyshuara narkotike. Gjatë kontrollit në shtëpinë e të dyshuarit janë gjetur dhe sekuestruar 22 gram substancë e dyshuar narkotike e llojit marihuanë”, thuhet në njoftimin e Policisë.
Me vendim të prokurorit i dyshuari është dërguar në mbajtje.
