Policia e Kosovës për rajonin e Prizrenit ka arrestuar një person, pasi i njëjti dyshohet se në emër të bamirësisë ka mashtruar një person, duke i marrë 134 euro.
Sipas raportit 24-orësh të Policisë së Kosovës bëhet e ditur se ngjarja kishte ndodhur më 29 tetor, kur viktima kishte raportuar rastin.
“Ankuesi mashkull kosovar ka raportuar se me datën 29.10.2021 i dyshuari mashkull kosovar e ka telefonuar me numër të fshehur dhe i ka thënë se do ju ndihmoj pasi punoj në një organizatë humanitare, ku e gjithë kjo ishte një mashtrim.
Nga viktima i dyshuari kishte përfituar para në vlerë 134 euro. I dyshuari është arrestuar dhe me vendim të prokurorit është dërguar në mbajtje”, thuhet në raport.
