Policia e Kosovës për rajonin e Ferizajt ka arrestuar në natën e ndërrimit të viteve një person, pasi i njëjti pas një fjalosjeje kishte shtyrë vëllain në drejtim të shkallëve të shtëpisë duke i shkaktuar lëndime trupore.
Në një komunikatë për media bëhet e ditur se Stacioni policor në Ferizaj mbrëmë rreth orës 23:30 ka pranuar një informacion se në rr. “Beteja e Kosharës” në Ferizaj është një rast i lëndimit trupor.
“Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet K.K (M/K) 47 vjeçar,.
I cili pas një fjalosje me vëllain e tij e kishte shtyrë në drejtim të shkallëve të shtëpisë duke i shkaktuar lëndime trupore, për këtë kishte pranuar edhe tretman mjekësor”, thuhet në komunikatë.
