Mediat raportuan të dielën për një rast të dhunimit që u denoncua dje në stacionin policor në Ferizaj, ku një grua raportoi se ka kryer marrëdhënie seksuale me një person, pa dëshirën e saj. Policia fillimisht nuk arriti ta identifikojë të dyshuarin, ndërsa rasti u iniciua si “dhunim”.
Por nuk shkoi shumë kur i njëjti u kap dhe u intervistua në Polici. Prokuroria ka dhënë detaje nga intervistimi i viktimës dhe të dyshuarit lidhur me rastin.
Fillimisht, viktima ka deklaruar para hetuesve policorë se gjithçka ndodhi në një motel në magjistrale, ku sipas saj i dyshuari kreu marrëdhënie seksuale me të, pa dëshirën e saj. Ajo ka thënë se me të dyshuarin është njohur në banesën e saj, pasi i njëjti kishte shkuar aty për t’i rregulluar diçka.
Sipas saj, rasti ndodhi më 8 prill, kur bashkë me të dyshuarin dolën në mbrëmje për të blerë drita ‘Led’,⁰ por që përfunduan në një motel.
Siç mësohet, rastit i parapriu një mosmarrëveshje që palët kishin mes vete, për punët që i dyshuari kishte kryer në banesën e viktimës, e për të cilat ende s’është paguar. Gjithë denoncimin e gruas nga Ferizaj, e ka mohuar i dyshuari. Burimet e Sinjalit kanë bërë të ditur se i njëjti ka thënë se nuk është e vërtetë që e ka dhunuar denoncuesen dhe se i mohon deklaratat e të njëjtës. Lidhur me këtë rast, burime e Sinjalit bëjnë me dije se është njoftuar edhe Prokurori kujdestar, i cili ka udhëzuar që rasti të hetohet.
