Një veturë është rrokullisur në mëngjesin e sotëm në autostradën “Arbën Xhaferi”, konkretisht në kilometrin e 48-të të segmentit Kaçanik – Hani i Elezit.
Në këtë vetaksident është lënduar vozitësja e veturës.
Kështu bëri të ditur zëdhënësi i policisë Baki Kelani.
“Sot rreth orës 07:35, në autostradën “Arbën Xhaferi”, në km 48 Kaçanik – Hani i Elezit ka ndodhur një aksident trafiku me lëndime (vetaksident), ku një vozitës dyshohet se ka humbur kontrollin mbi veturën dhe është rrokullisur”.
“Sipas mjekëve lëndime të lehta ka pësuar vozitësja e veturës, së cilës iu është dhënë tretmani mjekësor. Me rast është marrë njësia kompetente policore, e cila ka dalë menjëherë në vendin e ngjarjes”.
