Ngjarje e trishtë në Podujevë: Gjendet pa shenja jete një foshnje 6-muajshe

Kronikë e zezë

Ngjarje e trishtë në Podujevë: Gjendet pa shenja jete një foshnje 6-muajshe

Më: 19 prill 2022 Në ora: 19:57
Foto ilustrim

Një ngjarje e rëndë ka ndodhur para disa orësh në lagjen e Kuvajtit në Podujevë, ku një fëmijë rreth 6 muajsh është gjetur pa shenja jete në një shtëpi.

Burimet e Sinjalit kanë dhënë detaje se si ndodhi kjo ngjarje e trishtë.

Rreth orës 17:46, Policia fillimisht ka njoftuar se është gjetur një foshnje pa shenja jete në këtë lagje.

Më të marrë informacionin, në vendin e ngjarjes ka dalë Emergjenca dhe dy njësi tjera policore.

Vdekjen e foshnjës e ka konstatuar mjeku nga ekipi i Emergjencës, posa ka dalë vendngjarje.

Sipas burimeve, nëna e foshnjës nuk ka qenë në gjendje të jap asnjë informacion për shkak të gjendjes shëndetësore- emocionale.

Nga ajo që dihet deri më tani është se fëmija është gjetur në shtëpi dhe i njëjti nuk vërehet se ka shenja të dhunës.

Lidhur me rastin, mësohet se është informuar prokurori dhe kanë nisur hetimet.

commentFirst article
Sot mund të lexoni Shfletoni kopertinat