Policia e Kosovës ka njoftuar se në dy raste të ndryshme sot ka parandaluar kontrbandimin me mallra. Gjatë vëzhgimit dhe pritës afër vijës kufitare Kosovë-Serbi, policia kufitare ka identifikuar dy vetura të ndryshme, njëra me targa të Serbisë e tjetra me targa vendore.
Policia ka bërë të ditur se në veturën e parë janë gjetur 26 arka me pije alkoolike, më saktësisht 520 copë birra, ndërsa në veturën e dytë janë gjetur 24 arka me birrë dhe 80 shishe birrë, në total 560 copë.
Malli dyshohet se është sjellur nga Republika e Serbisë përmes rrugëve malore në Republikën e Kosovës.
“Lidhur me rastin Njësia e Hetimeve Rajonale e Drejtorisë Kufitare-Lindje është duke i trajtuar këto dy raste dhe në bashkëpunim me prokurorinë përkatëse pas hetimeve preliminare malli i konfiskuar do t’i dorëzohet Doganës së Kosovës”, ka njoftuar Policia
