Një person, i moshës rreth 69 vjeç, është gjetur pa shenja jete sot në rrugën “Asllan Pushka” në Pejë.
Rasti në polici është hapur si “hetim i vdekjes”, teksa trupi i pajetë i viktimës me urdhër të prokurorit është dërguar për obduksion në IML.
Lajmin e ka konfirmuar zëdhënësi i policisë rajonale në Pejë, Fadil Gashi.
“Rreth orës 10:30 policia është njoftu se në rrugën “Asllan Pushka” në Pejë, dyshohet për një person pa shenja jete. Në vendngjarje kanë dal policia dhe emergjenca, mjeku e ka konstatu vdekjen e viktimës. Me urdhër të prokurorit, trupi i pajetë i viktimës është dërguar për obduksion në IML”, tha Gashi.
