Dy persona janë arrestuar nga policia pasi të njëjtit e kishin sulmuar fizikisht një person në fshatin Plemetin të Obiliqit.
Ngjarja ka ndodhur të shtunën pas mesnate.
Klankosova.tv mëson se personat e përfshirë në këtë ngjarje janë të komunitetit serb.
Derisa nuk dihet arsyeja se pse ka ardhur deri tek konfrontimi fizik.
“Me datën 10.12.2022, rreth orës 00:10 kemi marrë informatën se në një lokal në fshatin Plemetin të Obiliqit, një person është sulmuar fizikisht nga dy persona të dyshuar.
Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti dhe menjëherë kanë identifikuar dhe arrestuar dy personat e dyshuar:
– S.J, mashkull, 22 vjeç dhe
– M.B, mashkull, 20 vjeç.
Personat e dyshuar pas intervistimit, me vendim të prokurorit, janë liruar në procedurë të rregullt, ndaj tyre është hapë rast për veprën lëndim trupor”.
