Rastet e dhunës në familje janë në rritje çdo ditë e më shumë. Zakonisht viktima janë gratë, të cilat përjetojnë dhunë psikike e fizike jo vetëm nga bashkëshortët, por edhe nga pjesëtarët tjerë të familjes.
Një rast i tillë është raportuar dy net më parë në Prizren, ku një grua ka denoncuar në Polici kunatin e saj.
Burimet brenda Prokurorisë kanë bërë me dije se 32-vjeçarja është ankuar se gjatë një konflikti verbal me kunatin e saj, ky i fundit e ka sulmuar fizikisht.
Si rezultat i denoncimit, hetuesit policorë kanë intervistuar të dyshuarin dhe me urdhër të prokurorit ndaj tij është iniciuar rasti nën dyshimet për kryerjen e veprës penale ‘Sulm’.
