Një person është arrestuar në fshatin Kaliqan të Istogut pasi që i njëjti në gjendje të dehur kishte djegur shtëpinë e tij, raporton Policia e Kosovës.
Sipas Policisë, përveç dëmeve materiale nuk raportohet për të lënduar.
Ndërsa në vendin e ngjarjes kanë dalë policia dhe zjarrfikësit dhe kanë lokalizuar zjarrin.
“Fsh. Kaliqan, Istog 12.03.2023, 04:00. Është arrestuar i dyshuari mashkull kosovar pasi që i njëjti në gjendje të dehur kishte djegur shtëpinë e tij. Njësitë relevante policore si dhe zjarrfikësit kanë dalë në vendin e ngjarjes dhe kanë lokalizuar zjarrin. Përveç dëmeve materiale nuk raportohet për të lënduar. Me vendim të prokurorit i dyshuari është dërguar në mbajtje”, thuhet në raportin e PK.
