Një rast i dhunës në familje raportohet se ka ndodhur të martën mbrëma në Prizren.
Policia njofton se një grua ka raportuar se pas disa mosmarrëveshjeve, bashkëshorti i saj ka ushtruar dhunë psikike dhe e ka dëbuar nga shtëpia pa dëshirën e saj.
Pastaj, bëhet e ditur se i dyshuari ka shkuar te familja e vajzërisë së viktimës.
“Prizren 11.04.2023 – 21:00. Ankuesja femër kosovare ka raportuar se pas disa mosmarrëveshjeve, bashkëshorti i saj, i dyshuari mashkull kosovar ka ushtruar dhunë psikike dhe e ka dëbuar nga shtëpia pa dëshirën e saj, pastaj i dyshuari ka shkuar te familja e vajzërisë së viktimës”, thuhet në raportin policor.
I dyshuari është shoqëruar në stacion policor, ndërsa në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt.
