Të mërkurën është arrestuar një i mitur në Gjilan pasi i njëjti dyshohet se ka kryer vjedhje të rëndë.
Sipas Policisë së Kosovës, arrestimi i tij është bërë pasi i njëjti dyshohet se ka qenë të përfshirë në një rast “Vjedhje e rëndë” i ndodhur me datën 09.04.2023 në një lokal biznesi në fshatin Smirë, në të cilin rast ishin vjedhur një shumë e të hollave.
Pas arrestimit i dyshuari është intervistuar në prani të avokatit mbrojtës.
Në lidhje me rastin është njoftuar prokurori i shtetit i cili ndaj të dyshuarit ka lëshuar masën e ndalimit për 24 orë dhe rasti do të përcillet në Prokurorinë Themelore.
