Nga zyrtarët policor të stacionit të Podujevës, në Batllavë dhe Orllan, janë sekuestruar dy armë zjarri.
Sipas Policisë, sekuestrimi i parë është realizuar , në fshatin Batllavë, ku për intervistim është shoqëruar në stacion policor i dyshuari S.S, mashkull, 40 vjeç.
“Personit të dyshuar i është gjet dhe sekuestruar një armë zjarri e tipit TT, një karikator me dy fishekë. Ndaj personit të dyshuar është inicuar rast për veprat, Mbajtje në pronësi , kontroll apo posedim i pa autorizuar i armës si dhe përdorim i armës, pasi që i njëjti dyshohet të ketë shtënë në një aheng. Ndërsa sekuestrimi i armës së dytë, është bërë në fshatin Orllan të Podujevës. Arma e zjarrit e tipit CZ dhe një karikator me 5 fishekë, i janë gjet dhe sekuestruar personit të dyshuar J.A, mashkull, 21 vjeç”, thuhet në njoftim.
Ndaj tij është hapur rast për armëmbajtje pa leje.
