Një 30 vjeçar është gjetur pa shenja jete në hoteli në Prishtinë.
Rasti ka ndodhur të dielën rreth orës 06:00, në sheshin “Zahir Pajaziti”.
Kështu tha për Klankosova Flora Ahmeti, zëdhënëse e policisë për rajonin e Prishtinës.
Ahmeti tha se rasti po cilësohet si “Vdekje e dyshimtë”.
“Aktualisht policia ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit, ndërkohë që trupi i pajetë i viktimës është dërguar për obduksion”, tha Ahmeti.
