Rastet e grabitjeve e të vjedhjeve po vazhdojnë të rriten, ndërkohë që siguria për të lëvizur edhe në hapësirat publike po rrezikohet. Ndër rastet e shpeshta të grabitjeve janë gjësendet me vlerë, si stolitë e arit, telefonat e çantat e krahut që hajnat arrijnë t’i kapin nga qytetarët nëpër rrugë.
Kështu ka ndodhur edhe sot në rrugën ‘Zanat’, te ish-stacioni u trenit, në Prizren, ku viktimë është një 32-vjeçar.
Burimet e medias brenda Prokurorisë kanë bërë me dije se viktima derisa po ecte rrugës është ballafaquar me një person, i cili ka arritur t’ia marrë çantën e krahut me të gjtha dokumentet personale, telefon e qindra euro.
Bazuar në dëshminë viktimës, i dyshuari me të kryer veprën është larguar me shpejtësi në këmbë në një drejtim të panjohur.
Njësitë policore kanë marrë të gjitha veprimet hetimore që ndihmojnë në zbardhjen e rrethanave të rastit.
Me urdhër të prokurorit, rasti është iniciuar “Vjedhje grabitqare”, ndërsa veprimet tjera do ndërmerren posa të arrestohet i dyshuari.
