Të premten një person është arrestuar në Prishtinë, pasi që dyshohet se i njëjti ka sulmuar fizikisht nënën dhe vëllanë e tij.
Sipas raportit 24-orësh të Policisë, viktimave dhe të dyshuarit u është ofruar tretman mjekësor.
“Prishtinë 07.07.2023 – 13:50. Është arrestuar i dyshuari mashkull kosovar pasi pas një mosmarrëveshje ka sulmuar fizikisht nënën dhe vëllanë e tij. Viktimave dhe të dyshuarit u është ofruar tretman mjekësor. Me vendim të prokurorit i dyshuari është dërguar në mbajtje”, thuhet në raport.
Policia e Kosovës vazhdimisht bënë thirrje për bashkëpunim me qytetarët.
