Në Zveçan është arrestuar një person pasi e ka prezantuar letërnjoftimin e Serbisë, që dyshohet se është i falsifikuar.
Më pas ai e ka pranuar se ai letërnjoftim nuk është i tij dhe e ka prezantuar letërnjoftimin e Republikës së Kosovës.
Në lidhje me rastin është konsultuar prokurori i shtetit i cili ka rekomanduar që t’iu sekuestrohet letërnjoftimi i Republikës së Serbisë dhe pas intervistimit i dyshuari të lirohet dhe rasti të procedohet në procedurë të rregullt.
“Zveçan 31.08.2023 – 22:00. Është arrestuar i dyshuari mashkull kosovar pasi që i njëjti ka prezantuar një letërnjoftim të Republikës së Serbisë i cili është dyshuar se mund të jetë i falsifikuar. Gjatë intervistimit i dyshuari ka pranuar se ai letërnjoftim nuk është i tij dhe ka prezantuar letërnjoftimin e Republikës së Kosovës. Në lidhje me rastin është konsultuar prokurori i shtetit i cili ka rekomanduar që t’iu sekuestrohet letërnjoftimi i Republikës së Serbisë dhe pas intervistimit i dyshuari të lirohet dhe rasti të procedohet në procedurë të rregullt”, thuhet në raportin e policisë.
