Një vetaksident me fatalitet ka ndodhur mëngjesin e sotëm në autostradën “Ibrahim Rugova” ku dyshohet se shoferi i automjetit ka humbur kontrollin mbi veturèn dhe është rrokullisur në rrugë. Sipas Policisë, një person ka humbur jetën kurse një tjetër është lënduar.
Burimet brenda Prokurorisë bëjnë të ditur se viktima është Ardita Baruti- Drini, 41-vjeçare.
Lajmi është konfirmuar nga zëdhënësi i Policisë së Kosovës, Baki Kelani.
“Me datën 02.09.2023 rreth orës 06:10, në autostradën Ibrahim Rugova në km 24 drejtimi i Vërmicës, ka ndodhur një vet aksident me lëndime trupore, ku një automjet Suzuki me targa lokale me vozitës mashkull kosovar, dyshohet se ka humb drejtimin dhe është rrokullisur në rrugë, me ç ‘rast lëndime trupore kane pësuar dy persona, njeri prej të cilëve më vonë ka ndërruar jetë.
Në vendin e ngjarjes kanë dalë patrulla policore, njësia e hetimeve, kompania për mirëmbajtjen e rrugës. Në lidhje me rastin është njoftuar prokurori kujdestar, përderisa janë marrë të gjitha veprimet e nevojshme policore”, ka thënë Kelani.
