Policia e Kosovës ka ndaluar një person në Leposaviq, pasi i njëjti kishte kaluar kufirin ilegalisht nga Serbia.
Rasti ka ndodhur ditën e hënë, rreth orës 14:15.
“Njësiti policor ka shoqëruar në stacion policor të dyshuarin mashkull kosovar i cili me motoçikletë në mënyrë të kundërligjshme jashtë vendkalimeve kufitare përmes rrugëve dytësore nga territori i Serbisë kishte hyrë në territorin e Republikës së Kosovës”, ka njoftuar policia.
Me urdhër të prokurorit i dyshuari pas intervistimit është liruar në procedurë të rregullt.
