Aksident në Dimal, fuoristrada përplaset me triçiklin, një i plagosur

Kronikë e zezë

Aksident në Dimal, fuoristrada përplaset me triçiklin, një i plagosur

Më: 9 dhjetor 2023 Në ora: 20:37
Ilustrim

Një aksident ka ndodhur mbrëmjen e sotme në aksin nacional Berat-Dimal, rreth 500 metër larg Rotondos së Dimalit.

Një automjet, tip Fuoristradë, me targa AB 381 BK, duke qarkulluar nga Berati drejt Dimalit ka goditur nga prapa një mjet "Triçikël", që po qarkullonte në të njëjtin sens me të.

Si pasojë e përplasjes së fortë, triçikli ka dalë nga rruga.

I plagosur lehtë nga ky aksident ka ngelur drejtuesi i triçiklit, që është transportuar me ambulancë për mjekim në Spitalin Rajonal të Beratit.

Në vendngjarje kanë shkuar efektivë të policisë rrugore,që kryejnë edhe kqyrjen e vendit të aksidentit, për të konkluduar në shkaqet e tij.

Burimet policore në vendngjarje konfirmojnë paraprakisht se si shkak për aksidentit ka ndikuar edhe mungesa e ndriçimit në rrugë si dhe mungesa e sinjalistikës së prapme të triçiklit.

commentFirst article
Sot mund të lexoni Shfletoni kopertinat