Një 18-vjeçar është dërguar pa shenja jete sot në Emergjencë të Ferizajt. Viktima dyshohet se kishte vdekur në vendin e punës në një fabrikë në fshatin Nikadim të Ferizajt.
Sipas mjekëve kujdestarë dyshohet për vdekje natyrore.
Këto informata i dha për median Kanun Veseli, zëdhënës në policinë rajonale të Ferizajt.
“Sot, rreth orës15:30 nga Qendra Emergjente në Ferizaj jemi njoftuar se një person, mashkull i moshës rreth 18 vjeçar është sjellur pa shenja jete. Ekipe të policisë kanë dalë menjëherë në vendin e ngjarjes dhe kanë mësuar se viktima dyshohet se kishte ndërruar jetë në vendin e punës në një fabrikë në fshatin Nikadim të Ferizajt. Sipas mjekëve kujdestarë dyshohet për vdekje natyrore”, tha Veseli.
Në lidhje me këtë është njoftuar edhe prokurori kujdestar nga Prokuroria Themelore e Ferizajt, shtoi ai.
