Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik.
Një vetaksident i tillë ka ndodhur në Komoran, ku një veturë ka humbur kontrollin dhe është përplasur në mbrojtëset e rrugëve.
Lexuesit kanë dërguar pamje nga vendi i ngjarjes, ku shihet se automjeti ka pësuar dëme të konsiderueshme materiale.
Policia e Kosovës sipas pamjeve ndodhet në vendin e ngjarjes teksa ende nuk dihet nëse ka ndonjë të lënduar.
