Numri i rasteve të dhunës në familje në vendin tonë ka marrë përmasa shqetësuese. Çdo ditë raportohen raste ku viktima zakonisht janë gratë dhe vajzat që përjetojnë dhune psikike e fizike nga bashkëshortët e tyre dhe anëtarët tjerë të familjes.
Ndihmën e Policisë e ka kërkuar së fundmi edhe një grua nga fshatin Llabjan i Pejës, e cila ka denoncuar bashkëshortin dhe vjehrrën për dhunë në familje.
Media mëson se bazuar në dëshminë e viktimës, ajo fillimisht është kapur me vjehrrën e saj, pasi kjo e fundit dyshohet se ia kishte rrahur fëmijën.
Në konfliktin verbal mes tyre më pas është përfshirë edhe bashkëshorti i saj, që dyshohet se e ka sulmuar fizikisht.
Si rezultat i denoncimit, njësitë policore kanë marrë veprimet hetimore dhe i dyshuari është arrestuar dhe shoqëruar në stacion policor.
Ndaj tij, me urdhër të Prokurorit të Shtetit, është iniciuar rasti ‘Dhunë në familje’.
