Një person ka informuar se në rrethana të panjohura është përfshirë nga zjarri vetura si edhe një pjesë e shtëpisë së tij.
Sipas raportit 24 orësh të Policisë së Kosovës bëhet e ditur se ngjarja ka ndodhur të hënën rreth orës 01:25, në Viti.
Tutje bëhet e ditur se zjarri ka kapluar edhe një pjesë të shtëpisë së tij, ndërkaq rasti është cilësuar si “Shkaktim i rrezikut të përgjithshëm”.
“Ankuesi mashkull kosovar ka informuar se në rrethana të pa njohura është përfshirë nga zjarri vetura e tij, zjarri ka kapluar edhe një pjesë të shtëpisë se tij”, thuhet në raport.
Ndërkaq, në vendin e ngjarjes kanë dalë njësiti i zjarrfikësve të cilët kanë shuar zjarrin. Rasti është duke u hetuar.
