Dje nga njësitet policore të Obiliqit janë arrestuar në flagrancë dy të dyshuar.
Sipas kumtesës së policisë, të dyshuarit janë arrestuar në zonën e KEK-ut, derisa po tentonin të merrnin shiritin transportues të thëngjillit, të cilin e kishin prerë.
Vlerësohet se dëmet materiale janë të larta.
Të arrestuarit janë: N. B, mashkull, 25 vjeç, dhe A. R, mashkull, 35 vjeç, që të dy shtetas të Kosovës. Pasi që u është shqiptuar masa e ndalimit prej 48 orësh, me rekomandimin e Prokurorit të shtetit, janë dërguar në qendrën e mbajtjes.
Vlen të përmendet se personat e njëjtë kanë qenë të arrestuar edhe disa herë të tjera nga ana e policisë , për raste të natyrës së njëjtë (vjedhje, vjedhje të rënda).