Prokuroria në Gjakovë njofton se në fshatin Carravran të Malishevës ka ndodhur një rast i cilësuar si dhunë në familje, ku burri me inicialet D.B., ka përdorur dhunë fizike ndaj gruas së tij M.P.
Sipas Prokurorisë dhuna ka filluar në automjetin e tyre ku i pandehuri ka filluar ta godet bashkëshorten në kokë dhe trup, ku më pas dhuna ka vazhduar edhe në shtëpinë e tyre kështu duke përfshirë edhe vajzën e tij D.B., e cila kishte tentuar ta ndalonte sulmin fizik që babai i saj po ushtronte ndaj nënës. Të dëmtuarat M.P., dhe D.B., kanë marrë ndihmën mjekësore në QKMF- Malishevë.
Kështu i pandehuri D.B., kishte kryer veprën penale të lëndimit të lehtë trupor.
Prokuroria Themelore e Gjakovës, ka kërkuar masën për caktimin e paraburgimit ndaj të pandehurit në afat prej 30 ditësh, pranë Gjykatës Themelore në Malishevë.