Jo veç përmbajtjen, serbët analizojnë edhe nënshkrimin e presidentit Trump në letrën dërguar Vuçiqit - Bota Sot
Jo veç përmbajtjen, serbët analizojnë edhe nënshkrimin e presidentit Trump në letrën dërguar Vuçiqit

Lajme

Jo veç përmbajtjen, serbët analizojnë edhe nënshkrimin e presidentit Trump në letrën dërguar Vuçiqit

Më: 22 dhjetor 2018 Në ora: 10:07
Presidenti i Shteteve të Bashkuara, Donald Trump

Përmbajtja e letrës që Presidenti i Shteteve të Bashkuara, Donald Trump, i  ka dërguar Presidentit Aleksandar Vuçiq, në të cilën flet për Kosovën, tash e disa ditë ka intriguar opinionin serb. Por, vëmendje të njëjtë ka marrë edhe vetë nënshkrimi i presidentit amerikan në fund të letrës, i cili është i dimensioneve të mëdha dhe i çuditshëm.

Mediat serbe kanë kontaktuar ekspertin ligjor, grafologun dhe psikologun Jovan Krstiq, për t’i bërë një analizë të veçantë nënshkrimit të presidentit amerikan.

“Është një dorëshkrim teknikisht i bukur dhe i projektuar në spektin estetik, më tepër i stilizuar, që tregon talentin e tij të përgjithshëm, pjesërisht dhe talent artistik. Nënshkrimi është stilizuar kur është e rëndësishme për të arritur qëllimin pa marrë parasysh mjetet, por ka një shije të mprehtë në të, megjithëse nuk përjashtohet nevoja për imitim. Ky dorëshkrim i thyer tregon vetëdisiplinë, vullnetin e fortë, më afër duke treguar një karakter të fortë, të fortë dhe të ashpër”, tha Krstiq, për gazetën serbe “Alo”.

“Një person i tillë mund të jetë brutal, i papajtueshëm, impulsiv dhe i vendosur. Ai ka besim në vetvete, ai ka të theksuar ndjenjën e vetëvlerësimit dhe këyë e shpreh në çdo rast. Një qëndrim i tillë e ngarkon funksionimin e tij në planin social, i cili mund të perceptohet nga shumë njerëz si një person i pakëndshëm dhe i papajtueshëm”, thotë eksperti serb.

Duke analizuar më tej nënshkrimin e Trumpit, ai thotë se është i theksuar presioni që tregon vullnet të fortë, energji të theksuar, impulse të forta …

“Dorëshkrimi i drejtë tregon për përmbajtjen e tij të përgjithshme, mendjen e ftohtë, e cila shpesh dominon ndjenjat dhe manifestimin spontan të emocioneve. Është emocionalisht racional, i vetëdisiplinuar, i vetëdijshëm, ka një besim të fortë në vetvete”, thotë ai.

Krstiq gjithashtu thekson se dorëshkrimi i lidhur i Presidentit të SHBA tregon se ai është një mendimtar abstrakt dhe se ai ka ide origjinale.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...