Presidenti i Serbisë, Aleksandar Vuçiq, theksoi sot se vendosja e taksës ndaj mallrave serbe ‘ka shkrirë’ të ashtuquajturin ‘konflikt të ngrirë’, andaj ka frikë nga çdo gjë që mund të ndodhë në të ardhmen.
“Deklarata e kreut të diplomacisë gjermane Heiko Mass se ai do të vazhdojë të mbështesë Prishtinën pa marrë parasysh taksat për mua është një zhgënjim i madh”, tha Vuçiq.
Ai njoftoi se kjo dhe të gjitha mesazhet e tjera në ditët në vijim do të diskutohen në Qeverinë e Serbisë.
Vuçiq gjithashtu tha se kryeministri i Kosovës Ramush Haradinaj sot ka zgjedhur "serbët privatë" për ministra të tij, duke iu referuar emërimit të ministres së re të Bujqësisë, Dijana Ziviq në vend të Nenad Rikallo, i cili vjen nga radhët e Listës Serbe.
