Beograd - Presidenti i Serbisë, Aleksandar Vuçiq, vuri në dukje se Serbia do të përpiqet në Bruksel për normalizimin e marrëdhënieve midis Beogradit dhe Prishtinës.
Ai e tha këtë në takimin me shefin e Delegacionit të Bashkimit Evropian në Serbi, Sem Fabrizi, njofton B92, transmeton Bota Sot.
Vuçiq e tha këtë në mënyrë që Serbia dhe i gjithë rajoni i Ballkanit Perëndimor të mund të vazhdojnë të ndërtojnë një të ardhme të mirë.
Gjatë takimit, Vuçiq informoi ambasadorin Fabrizin për pikat më të rëndësishme të marrëveshjes së Uashingtonit dhe rrjedhën e bisedimeve në Bruksel, dhe theksoi se roli i BE-së në ndërmjetësimin e dialogut midis Beogradit dhe Prishtinës është thelbësor dhe se Serbia është e gatshme të marrë pjesë aktive në bisedime.
Një temë e veçantë diskutimi ishte perspektiva evropiane e Serbisë dhe Fabrizi vuri në dukje se BE do të vazhdojë të mbështesë në mënyrë aktive Serbinë në procesin e pranimit, duke pasur parasysh angazhimin e Serbisë ndaj reformave dhe miratimin e vlerave dhe standardeve evropiane në të gjitha fushat e rëndësishme për anëtarësim.
Ata diskutuan gjithashtu raportin e ardhshëm vjetor të Komisionit Evropian dhe rëndësinë e qeverisë së re që përshpejton reformat e BE, veçanërisht në fushën e sundimit të ligjit, tha shërbimi i shtypit i presidentit.
