Publicisti shqiptar nga Maqedonia e Veriut, Emin Azemi, ka treguar arsyen pse presidenti serb Aleksandër Vuçiq dhe Vuk Jeremiqi gati u rrahën midis Serbisë.
Sipas Azemit, arsyeja ishte se Jeremiq kishte votuar pro Shqipërisë në Këshillin e Sigurimit në OKB.
Azemi thotë se Vuçiq i mbanë qëndrimet konstant antishqiptare dhe nuk i bën përshtypje fare nëse dikush nga Tirana e llogaritë atë si mik.
Ai përmes një postimi në Facebook, thotë se, Vuçiqi nuk e ka flakur nga mendja projektin e Serbisë së Madhe.
“Aleksandar Vuçiq është një politikan i pranuar mirë në Tiranë, por i refuzuar nga bota demokratike për shkak të qëndrimeve retrograde të tij ndaj Kosovës. Ai ditë më parë në Bruksel deklaroi hapur: Kurrë nuk do ta pranojmë Kosovën! Çfarë statusi duhet të ketë ky tip në Tiranë?!”, shkruan ai.
Postimi i plotë:
Vuçiqit nuk i bën kurrfarë përshtypje nëse dikush nga Tirana e llogaritë atë mik, për arsye se ai mban një qëndrim konstant antishqiptar kur është në pyetje bota shqiptare. Ai desh u rrah me Vuk Jeremiq në Beograd, për arsye se ky i fundit kishte votuar pro Shqipërisë në Këshillin e Sigurimit në OKB.
Aleksandar Vuçiqi është uniforma e fundit e gardistëve serbë që ende nuk e ka flakur nga mendja projektin e Serbisë së Madhe, duke pretenduar edhe në tokat shqiptare në Kosovë, përmes bosnjizimit të kësaj të fundit.
Paradoksi i marrëdhënieve shqiptaro-serbe qëndron në faktin se Beogradi asnjëherë nuk ka treguar ndonjë respekt a konsideratë për miqësinë e parezervë të krerëve shqiptarë ndaj Serbisë, ndërkohë që Tirana zyrtare ende këto marrëdhënie i zhvillon pa një ridefinim të doktrinës nacionale shqiptare, e cila do të dilte e paplotë nëse në të mungon qasja e drejt ndaj Kosovës.
Aleksandar Vuçiq është një politikan i pranuar mirë në Tiranë, por i refuzuar nga bota demokratike për shkak të qëndrimeve retrograde të tij ndaj Kosovës.
Ai ditë më parë në Bruksel deklaroi hapur: Kurrë nuk do ta pranojmë Kosovën!
Çfarë statusi duhet të ketë ky tip në Tiranë?!
