Presidenti i Serbisë, Aleksandar Vuçiq, këtë të dielë ka reaguar në lidhje me deklaratën e homologut malazez Milo Gjukanoviq, i cili ka thënë se Serbia do ta donte Kosovën pa shqiptarë dhe Malin e Zi pa malazezë.
Vuçiq në reagimin e tij është shprehur se nënndërgjegjja e Gjukanoviqit fshihet pas asaj deklarate, sepse ai është ai që dëshiron Malin e Zi pa serbë.
“Unë nuk dua, as nuk është e mundur Kosova pa shqiptarë, as Mali i Zi pa ata që deklarohen si malazezë. Kjo është e pamundur dhe nuk ka qenë kurrë qëllimi im”, ka thënë Vuçiç për mediat.
Ndër të tjera kreu i shtetit serb thekson se ai gjithmonë ka dashur dhe gjithçka që ka bërë, është se ka punuar për ekzistencën e Malit të Zi pa serbë.
“Unë dua Malin e Zi në të cilin do të jetojnë malazezët, serbët, shqiptarët, boshnjakët dhe të gjithë të tjerët, vetëm se të gjithë kanë të drejtë të jenë ata që janë", tha Vuçiq.
