Serbia nuk po ndalet duke sulmuar dhe kërcënuar Kosovën.
Ministri i Punëve të Brendshme, Aleksandar Vulin, deklaroi sot se një Serbi e fortë është garantuese e sigurisë së serbëve në Kosovë, duke shtuar se trazirat e marsit 2004 nuk do të ndodhin më kurrë.
Vulin shtoi se xhandarmëria serbe do të përmbushë çdo urdhër të Vuçiq, dhe se është “gati, e trajnuar, e pajisur teknikisht, por më e rëndësishmja shumë e motivuar, për të mbrojtur njerëzit e saj kudo që është e nevojshme”.
Duke komentuar thirrjen e Bashkimit Evropian për të dyja palët për të ulur tensionet, Vulin theksoi se sipas Serbisë, Marrëveshja e Brukselit është shkelur në mënyrë flagrante dhe se sipas tij, qëllimi i Prishtinës është të destabilizojë të gjithë rajonin.
