Janë bërë shumë virale ditëve të fundit deklaratat e imamëve shqiptar lidhur me marrëdhëniet në familje e sidomos ato mes bashkëshortëve.
Ditë më parë një hoxhë nga Prishtina kishte apeluar te burrat që të kryejnë dashuri me gratë e tyre, sepse në këtë mënyrë ata bëjnë shumë sevape.
Por dje, është bërë një deklaratë krejt ndryshe nga një hoxhë tjetër.
Imami nga Prishtina, Labinot Maliqi ka shkruar në profilin e tij në Facebook një porosit për burrat shqiptar: “Mos i adhuroni gratë”.
Ai këtë gjë e ka potencuar teksa kishte bërë një krahasim mes dashurisë për nënën dhe gruan.
Ky është postimi i plotë i hoxhës:
Kush e meriton respektin më të lartë, nëna apo gruaja? NËNA! Çdo krijesë e Zotit meriton respekt, por asnjë më shumë së Nëna! Mos i “adhuroni” gratë o ju meshkuj!
Ndërkohë kanë vërshuar komente të ndryshme, ku disa prej tyre ia rikujtojnë hoxhës se “dashuria për nënën nuk krahasohet me askënd”, “edhe gruaja duhet dashur e respektuar”, “nuk adhurohet askush përveq Zotit” etj.
