Profesori Milazim Krasniqi në një postim në Facebook ka shkruar për kujtimet e tij me Presidentin Ibrahim Rugova.
Ai tregoi se kur çelnin blirët në rrugën kryesore të Prishtinës, Rugova kishte dëshirë të ecnim bulevardit e të shijonte erën e blirëve.
E duke folur për këtë, profesori tha se do të donte që kryetar të zgjidhet ai që i kthen blirët.
“Kam dëshirë që të zgjidhet një kryetar, që na i kthen blirët, që na e kthen atë pjesë të identitetit të kryeqytetit”, tha Krasniqi, përcjell “Bota sot”
Postimi i plotë
Kur çelnin blirët në rrugën kryesore të Prishtinës, Ibrahimi kishte dëshirë të ecnim bulevardit e të shijonte erën e blirëve. Thoshte se ia kujtonin vendlindjen. Thoshte se blirët janë pjesë e identitetit shqiptar. Kur i hoqën blirët, na i shkulën kujtimet, siç i shkulte era njoftimvdekjet, që vareshin nëpër trungjet e blirëve. Kam dëshirë që të zgjidhet një kryetar, që na i kthen blirët, që na e kthen atë pjesë të identitetit të kryeqytetit.