Kryeministri i Republikës së Kosovës, Albin Kurti, ka votuar sot në raundin e dytë të zgjedhjeve lokale. Ai ka arritur në qendrën e votimit bashkë me një numër të madh truprojesh, të cilët e kanë rrethuar dhe janë kujdesur për sigurinë e të parit të ekzekutivit.
Në pamje shihen të paktën 7 truproje të cilët e përcjellin Kurtin që nga dalja prej makinës dhe futen bashkë me të në qendrën e votimit tek objekti i Fakultetit Juridik në Prishtinë.
Kurti pasi ka përfudnuar votimin ka inkurajuar qytetarët që të dalin për të votuar teksa nuk ka harruar të flasë edhe për motin.
“Moti është shume i bukur dhe pa të reshura andaj pjesëmarrja sa më masive është e pritshme. Me 14 nëntor mund të themi se po e përmbyllim një vit të mirë electoral që nisi me 14 shkurt, vazhdoj me 17 tetor dhe tash e kemi balotazhin. Republika e Kosovës ka dëshmuar se është shtet demokratik dhe qytetarët në mënyrë të lirë zgjedhin kryetarët e komunave”, ka thënë Kurti.
