Media boshnjake “Novi Pazar” u ka bërë thirrje të gjithë Bosnjës që të bojkotohen produktet e Shqipërisë dhe bregdeti, pasi Kuvendi i Shqipërisë votoi kundër rezolutës që dënon gjenocidin serb në Srebrenicë të Bosnje e Hercegovinës.
Kjo media ka kërkuar që të bojkotohen edhe mediat shqiptare, si dhe transporti.
Tutje ata kanë kërkuar nga kosovarët që të mos shkojnë në Shqipëri.
“Duke filluar nga sot, ju bëjmë thirrje të gjithë boshnjakëve që të bojkotojnë të gjitha produktet nga Shqipëria, deti shqiptar, transporti, mediat. Për kosovarët ka rendësi që të mos shkojnë në Shqipëri!!!”, shkruhet në postimin e tyre.
Tutje ata kanë theksuar faktin se Shqipëria është vendi i vetë në Ballkan që nuk ka dënuar gjenocidin në Srebrenicë.
Media boshnjake u kërkuar qytetareve që në vend të Shqipërisë të shkojnë në Mal të Zi.
“Duke bojkotuar gjenocidin e Srebrenicës, Shqipëria u bë i vetmi vend në Ballkan që ra në anën e vrasësve! Shkoni njerëz në Mal të Zi këta janë njerëz të vërtetë dhe vëllezër të vërtetë!!!”, shkruhet tutje.
Krejt në fund ata kanë pasur edhe një mesazh për Edi Ramën.
“Turp te kesh Edi Rama!!!”, përfundon postimi.
Krahas këtij mediumi edhe mediumet si radiosarajveo, klix.ba e ba.n1 kanë raportuar për mosvotimin e rezolutës dhe përplasjes së deputetëve socialistë me ish-kryeministrin Sali Berisha.
Kuvendi i Shqipërisë ka refuzuar të enjten kërkesën e një deputeti të opozitës për të shqyrtuar dhe mbështetur një rezolutë që dënon krimet e kryera nga forcat serbe në Srebrenicë në vitin 1995 si gjenocid.
Propozimi i deputetit të Partisë Demokratike Tritan Shehu u hodh poshtë nga votat e deputetëve të Partisë Socialiste, që përbëjnë shumicën në Kuvendin e Shqipërisë.
Shehu tha para deputetëve se refuzimi i Kuvendit të Shqipërisë ta dënojë gjenocidin serb në Srebrenicë dhe ta detyrojë Serbinë që të njohë krimet e saj “është vepër e shëmtuar, një shfaqje paprecedent, një shfaqje turpi.”
Propozimi për rezolutë për ta njohur Srebrenicën si gjenocid të kryer nga forcat serbe dhe hedhja poshtë e propozimit u bë shkas për një përplasje të radhës mes deputetëve të Partisë Demokratike në opozitë dhe Partisë Socialiste në pushtet, të cilët nga foltorja e Kuvendit shkëmbyen akuza të rënda ndaj njëri-tjetrit në raport me qëndrimet ndaj luftës në Bosnje e Hercegovinë.
Ish Kryeministri i Shqipërisë Sali Berisha akuzoi udhëheqësit e Shqipërisë për “marrëdhëniet miqësore” me Presidentin e Serbisë AleksandarVuçiq, të cilin e quajti “frymëzues të gjenocidit serb, një Putin i vogël, i gatshëm ta përsërisë atë në çdo kohë.”
Deputeti socialist Taulant Balla theksoi që Shqipëria ka njohur tragjedinë në Bosnjë dhe akuzoi Berishën, i cili atëbotë ishte president i Shqipërisë, për rolin që Shqipëria ka luajtur karshi luftërave në ish-Jugosllavi.
“Është e pakuptueshme që një njeri që është i vetmi në këtë sallë që ka përgjegjësi direkte të turpit që ka marrë Shqipëria e asaj kohe,” tha Balla. “Gjenocidi serb është ushqyer me naftën prej teje, Sali.”
