Drejtori i të ashtuquajturës ‘Zyre për Kosovën’ në Qeverinë e Serbisë, Petar Petkoviq ka marrë guximin që ta qortojë ambasadorin gjerman në Kosovë, Jorn Rhode. Madje Petkoviq nuk ia njohu titullin si ambasador, por e quajti ‘përfaqësues’.
Petkoviq e ka shpërndarë në rrjetin social Twitter shkrimin e ambasadorit gjerman, ku nga takimi që pati me Presidenten e Kosovës, Vjosa Osmani tha se shtyerja e vendimeve për targat dhe dokumentet hyrëse/dalëse janë legjitime.
Petkoviq përveç që e quajti Rhoden si ‘përfaqësues i Gjermanisë’ tha se ai nuk po e thotë të vërtetën sa i përket vendimeve për targat dhe dokumentet hyrëse/dalëse.
“Përfaqësuesi gjerman në Prishtinë nuk po thotë të vërtetën! Si ndodh që shkelja e marrëveshjes dhe lëvizjet e dhunshme të @albinkurti të jenë legjitime? Sa është legjitime heqja e targave? Si ndodh që përfaqësuesi gjerman në Prishtinë heshti për këtë?”, shkroi Petkoviq.
Petkoviq shtoi se nuk ka mundësi që sic e quan ai ‘konfiskimi i dokumenteve personale të serbëve’ të jenë legjitime.
“Si ka mundësi që është legjitime konfiskimi i dokumenteve personale nga serbët në K&M? Ku e thotë kështu? Çfarë ndodhi me themelimin e Asocacionit të Komunave Serbe të cilën serbët e kanë pritur për gati 10 vjet, e cila është e vetmja gjë në përputhje me Marrëveshjen e Brukselit?”, tha ai.
Ai mori guximin edhe ta qortojë Gjermaninë, duke thënë se nuk bëri asgjë për themelimin e Asocacionit të Komunave Serbe.
“Pse Gjermania nuk bëri asgjë për Asocacionin? Përpara çdo interpretimi të njëanshëm, lexoni me kujdes marrëveshjet e mëparshme!”, shtoi ai.
The 🇩🇪 representative in PR is not telling the truth! How come that the agreement breaching and violent moves of @albinkurti are legitimate? How abolishment of status neutral KS license plates by PR is legitimate? How come that 🇩🇪 representative in PR was silent about that? 1/3 https://t.co/AOXUUuJaSC
— Петар Петковић (@PetkovicPetar) August 4, 2022
