Universiteti i Prishtinës “Hasan Prishtina” njofton se ka hapur konkursin për pranimin e studentëve në vitin e parë të studimeve master, për vitin akademik 2022-23.
UP-ja në vitin e parë të studimeve master do të regjistrojë 2303 studentë të rregullt.
“Aplikimi në platformën online http://http://apliko.uni-pr.edu nis nga sot dhe do të jetë i hapur deri me datë 30 shtator 2022, në ora 16:00.
Gjatë kësaj periudhe do të bëhet edhe dorëzimi i dokumentacionit fizik nga kandidatët.
Dokumentet do të pranohen çdo ditë, me përjashtim të dielave”, thuhet në njoftimin e UP-së.
