Përfaqësuesi i opozitës në Shqipëri, Akil Kraja, i ftuar në studion e A2 CNN, u shpreh se nuk ka nevojë për 130 marrëveshje mes Shqipërisë dhe Kosovës, por mjaftojnë 3-4 që kanë impakt real për tregtinë mes dy vendeve.
“Do të ëndërroja që një ditë një NIPT shqiptar të ishte i vlefshëm edhe në Kosovë e anasjellas.
Mos të kemi 130 marrëveshje që nuk e rrisin në mënyrë të qenësishme tregtinë, por 3-4 marrëveshje që kanë impakt real për tregtinë mes dy vendeve”, deklaroi ai.
“Shpresoj për një hapësirë-komb ekonomike, për një treg të përbashkët Shqipëri-Kosovë, brenda procesit të Berlinit. Kombi shqiptar është një dhe nuk kemi pse mos të kemi treg të përbashkët. Mjafton të heqim traun në Kukës dhe të eliminojmë burokracitë”, shtoi Kraja.
