KFOR-i ka bërë të ditur se një ekip mjekësor i tyre, dje i ka dalë në ndihmë një personi të lënduar gjatë një aksidenti rrugor në magjistralen Pejë – Prishtinë.
Përmes një komunikate, KFOR-i bëri të ditur se ekipi mjekësor i tyree ishte duke u kthyer në shtab, ku gjatë rrugës kanë vërejtur një veturë të rrokullisur pas një aksidenti me një autobus.
“Ata kanë ndërhyrë menjëherë dhe i kanë dhënë ndihmën e parë të plagosurit të bllokuar në automjet, duke u mundësuar autoriteteve shëndetësore vendase transportimin e pacientit në spital”, thuhet në reagimin e KFOR-it.
Tutje, bëhet e ditur se ushtarët e KFOR-it kanë sinjalizuar rrugën për veturat që kalonin, duke u koordinuar rrjedhën e trafikut bashkë me Policinë e Kosovës.